نورالعین عینی

اداسی

__________

 

 

اداسی.. سرد رت میں
برف کی چادر لپیٹے
بت بنی بیٹھی ہے
گہری سوچ میں گم ہے!
٭٭٭

 

آرزوئے باراں

_____________

 

 

 

الہی بارش کی آرزو ہے
یہ آرزو ہے۔۔کہ پھر سے تشنہ نگاہ دیکھے
کہ کس طرح سے شریر بوندوں کی چھیڑخانی
تھکن سے بیزار گدلے گدلے
تمام رنگوں کو
غسل دے کر۔۔۔
اداس منظر کا پھیکا ملبوس
دھیرے دھیرے اتارتی ہے!
٭٭٭

 

محبت سے۔۔۔

________________

 

سنو!
اس شہر دل میں
جس جگہ تیرا بسیرا تھا
وہاں اب درد رہتا ہے!!
٭٭٭

 

معمہ

_______

 

 

وہ لمحہ۔۔۔
جب کوئی ناراض بچہ
ضد میں آ کر
اپنے من چاہے کھلونے توڑ دیتا ہے
مرے اندر نجانے کیوں
بہت کچھ ٹوٹ جاتا ہے
٭٭٭

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے