۔۔۔۔۔۔۔۔۔
۱
۔۔۔۔۔۔۔۔۔
ہوس کے نام پر ہرگز خطائیں مت کرنا
جو ہو چکی ہیں دو بارا وفائیں مت کرنا
ہزار مرحلے ہیں عشق میں محبّت کے
دکھائیں لاکھ تمہیں وہ ادائیں مت کرنا
رفوگروں کے بھلا بس میں کب ہے بخیہ گری
ہوں زخم مندمل دل کے دعائیں مت کرنا
دلا رہے ہو یقیں پاک دامنی کا جسے
یقین ہے تو کبھی التجائیں مت کرنا
قدم بڑھانا اگر اعتبار ِ منزل ہو
نگاہ ِ ر ا ست کبھی دائیں بائیں مت کر نا
٭٭٭
۔۔۔۔۔۔۔۔۔
۲
۔۔۔۔۔۔۔۔۔
جو مال دستیاب نہیں پیش کیجیے
کارِ سُخن میں اب نہ پس و پیش کیجیے
آئینہ گر کہے تو کمربستہ ہو جیے
ہمت سے کام اپنے کم و بیش کیجیے
روٹھے ہوئے ہوں یار تو اُن کو منائیے
پھر جشن بھی منائیے، پھر عیش کیجیے
اس سرزمین ِ شعر پر کوئی چلا نہیں
چلیے سو اب یہ آپ ہی درویش کیجیے
ہیں طالبان ِ شعر قیادت کے مُنتظَر
تیار شاعروں کا نیا جیش کیجیے
٭٭٭